ШАБЫТ ШЫҢЫ" 
ӨНЕР ФЕСТИВАЛІ
А.Дәрібаев атындағы жалпы білім беретін мектебінде «Шабыт шыңы» атты өнер фестивалі ерекше әсермен өтті!
Фестивальдің мақсаты – оқушылардың шығармашылық қабілеттерін дамыту, өнерге деген сүйіспеншілігін арттыру, дарынды балаларды анықтап, олардың талантын шыңдау, ұлттық мәдениет пен рухани құндылықтарды дәріптеу.
Шабыт шыңы – талант пен талаптың, өнер мен өрелі ойдың тоғысқан сәті. Сахна төрінде әсем әуендер мен сазды ырғақтар залды шаттық пен қуанышқа бөледі.
Іс-шара барысында оқушылар ән айтып, би билеп, көркемсөз оқып, өз өнерлерін ортаға салды. Әрбір қатысушының сахнадағы шынайылығы мен шабытқа толы өнері көрермендерге ерекше әсер сыйлады.
Ұлттық билеріміз ата-бабамыздың мұрасын жаңғыртып, қазақы нақышты, болмыс пен дәстүрді айшықтай көрсетті. Ал заманауи билер жастардың жалынды жігерін, жаңашыл көзқарасын паш етті. Әр қимыл – шеберлік, әр қозғалыс – шабыт!
«Шабыт шыңы» – бұл жай ғана фестиваль емес, бұл – өнерге деген сүйіспеншіліктің, бірліктің, шығармашылық ізденістің жарқын көрінісі. Осындай шаралар жас таланттардың қанатын қатайтып, болашаққа деген сенімін арттырары сөзсіз!
